monumenta.ch > Hildegardis Abbatissa > sectio 8

Wortauswahl für das Suchen

Melden Sie einen Fehler in dieser Sectio
Hildegardis Abbatissa, Divina Opera, 5, 16, 8
Quapropter in furore suo contra illam exarsit, ut in voluntate mea scriptum est: 'Et misit serpens ex ore suo post mulierem aquam tanquam flumen, ut eam faceret trahi a flumine, et adiuvit terra mulierem . Hoc considerandum sic est: Misit antiquus persecutor ex nequissima voracitate sua rectitudinem mulieris, quae virum protulerat, incredulitatem et infidelitatem in populos Iudeorum et paganorum, hoc intendens ut illam plurimis persecutionibus attritam sibi subiugaret, vel omnino suffocaret, quemadmodum navis per naufragium suffocatur, quatenus nomen ipsius totum de terra deleretur, sicut et res illa de terra deletur quae in profundum fluminis proiicitur.